تم مساء أمس الثلاثاء 17 ماي، إلقاء القبض على مسافر كان على متن طائرة الخطوط التونسية القادمة من مطار أورلي بفرنسا، اعتدى بالعنف الشديد على مضيفة بالطائرة بعد أن منعته من دخول قمرة القيادة ما تسبب لها في رضوض بكامل أنحاء جسمها استوجبت دخولها إلى المصحة.
الممثلة حنان الشقراني كانت على متن تلك الطائرة وروت تفاصيل الحادثة على صفحتها الرسمية
اليوم كنا على متن الطائرة التابعة للخطوط الجوية التونسية القادمة من باريس على الساعة الثامنة و النصف بتوقيت تونس و حصل شيء غريب على متن الطائرة:ةاي سيدي شدو عندكم مواطن تونسي راكب معانا يقوم من بلاصتو و احنا معلقين بين هواء و فضاء و يمشي للباب قائد الطيارة وتعرضو المضيفة وتطلب منو يرجع للبلاصتو ياخي شد فشخها بطريحة نباش القبور و من بعد بدأ يدق في باب البيلوت بطريقة عنيفة و احنا الراكبين من قدام قاعدين نستوعبو في الموقف و موش فاهمين شي و تخرج مضيفة تجري و تبكي و تقول للمضيف للواقف بحذايا أجري أجري راهو يضرب في المضيفة يمشي باش يفكها منو يأكل بونيا في وجهو و دخلنا بعضنا في الطيارة و مافهمنا شي حتى لليجات مرا تجري من تالي و تقول راهو خويا.و يطلع خوها مختل عقلي و يعاني من أزمة نفسية حادة و الأكثر من هذا الكل قالو عندو سكين في يدو و قعدو يفارعو فيه قرابة الساعة غير ربع حتى للنهبطت الطيارة و احنا في حالة رعب و هلع و بلحق نحب نشكر طاقم الطيارة متاع شركة الخطوط التونسية للرغم غياب الأمن السياحي على متن الطائرة للتدخلو وسيطروا عالموقف و جنبونا كارثة بأتم معنى الكلمة كانت باش تصير و أقسم بالله انا حتى اللحظة هاذي لاني مصدقة الأنا حية و حمدالله حمدالله والله و رضاية الوالدين و الشي للصار اليوم شفتو قبل اما في الافلام و تقعد الحكاية نقطة استفهام.و اقسم بالله لاهي كامير خفية"